жин хасах, турах, Хоолны дэглэм

Жин хасах зорилгоор зөв хоолны дэглэм барих аргачлал

No Comments

Хоолны хатуу дэглэмийг буруу мөрдсөнөөс хүссэн өмдөндөө багтдаг болох таны зорилго болон зүтгэлийг нурааж чадах хүчтэй. Хэрэв жингийн заалт доошлохгүй гацах, хичээж хассан жин удалгүй эргээд нэмэгдээд байвал жин хасахад саад болдог дараах алдаанууд шалтгаан нь байж болно.

Хоолны буруу дэглэм жин нэмэхэд нөлөөлдөг

Хэрвээ та маш богино хугацаанд нэг дор 5-6 кг илүүдэл жингээ хаяхаар шийдэж, өдөр бүр зөвхөн байцааны шөл эсвэл дан жимсний нухшаар хооллохоор шийдсэн үү? Өдөрт хоол хүнснээс авах илчлэгээ 1000 калориос багасгаснаар мэдэгдэхүйц жин хасагдах нь ойлгомжтой. Гэвч хоолоор авах илчлэгийн хэмжээг багасгаснаар та биеийнхээ бодисын солилцоог удаашруулах хэмнэлд оруулахад хүргэнэ. Хоолоо хэвийн иддэг болонгуут нэгэнт бодисын солилцоо удааширч, таны бие илчлэгийг өмнөхөөсөө удаан шатаадаг болж хэвшсэн байх тул ихэнх тохиолдолд өмнө байснаасаа илүү их хэмжээгээр таргалах уршигтай байдаг.

Зөвхөн хатуу хоолны дэглэмээр жин хасах аргад найдах

Өглөөний цайгаа уухгүй байх нь хэрэглэх хоолныхоо хэмжээг багасгах энгийн арга мэт боловч, үр дүнд нь та өдрийн турш хоол идсэн хирнээ цадахгүй, үргэлжид өлсгөлөн хэвээрээ байх болно. Ингэснээр ажлын дундуур тотмол чихэр, жигнэмэг хазах, эсвэл өдрийн хоолоо хэтрүүлсэн хэмжээгээр идсэнээр илүүдэл хэмжээний илчлэг хэрэглэхэд хүргэнэ. Харин өглөөд уураг болон эслэгээр баялаг цай уудаг бол өлсөх мэдрэмж тэр болгон төрөхгүй, цатгалан хэвээр байх тул өдөрт идэх хоолны хэмжээг бага байлгах боломжтой байдаг. Өглөөний цайгаа тогтмол уудаг хүмүүс илүү эрүүл, хэвийн жинтэй байдгийг судалгаагаар тогтоожээ.

Өглөөний цайгаа алгасах

Та идэж буй хоолныхоо хэмжээ болон илчлэгийг нарийн тооцдог ч, санамсаргүй аманд ороод байдаг зүсэм талх, боов, амттан бүрийг тооцож чаддаг уу? Ширээн дээр тавьсан ууттай шагшуурга, ажил дээрээ идсэн жижиг зүсэм бялуу, хүүхдийнхээ үлдэгдэл хоол, зайрмагнаас хазаж амтыг нь үзэх зэрэг санамсаргүй хийсэн хазалт бүхэн таны хоолны дэглэмд нөлөөлж байдаг. Хэрвээ та хоолны зөв дэглэм барихаар зорьсон бол эдгээр үл анзаарагдах илчлэгийг нэг бүрчлэн тэмдэглэн, бичиж тооцох нь зүйтэй.

Хоолны дундуур иддэг зуушийг тооцохгүй байх

Хэдийгээр санамсаргүй идсэн зууш таны бэлхүүсний хэмжээг ихэсгэдэг ч, зөв тооцож, амтлан мэдэрч идсэн зууш харин ч жин хасахад тусалдаг. Өдөрт ойр ойрхон бага хэмжээгээр хооллож, зөв зууш иддэг хүмүүс удаан хугацаагаар зууш иддэггүй хүмүүсээс илүү өлсөх болон цадах хязгаараа мэдэрч илүүдэл жингээ хаяж чаддаг. Уургаар баялаг зууш нь бодисын солилцооны эрчмийг идэвхтэй хэвээр хадгалахад тусална. Самар уургаар баялаг тул зуушандаа самар иддэг хүмүүс туранхай байх нь элбэг байдаг.

Огт зууш идэхгүй байх

Тослог багатай хүнс нь хоолны зөв дэглэм барихад чухал үүрэгтэй. Гэвч тослог багатай гэдэг нь илчлэг багатай гэсэн үг биш бөгөөд том хэрчим тослог багатай жигнэмэг идэх нь жижиг хэрчим энгийн жигнэмэг идсэнээс илүү илчлэг авах магадлал өндөртэй байдаг. Ямар хэмжээний өөх тос, сахар, илчлэг авч байгаагаа мэдэх хамгийн зөв арга бол хоол хүнснийхээ илчлэгийг зөв тооцдог мэдлэгтэй байх явдал юм .

Өөх тос багатай хүнсийг хэтрүүлж идэх

Хоолныхоо илчлэгийг нарийн тооцдог хирнээ бидний ихэнх нь уудаг ундаанд агуулагдах илчлэгийг дутуу тооцох нь түгээмэл. Кофе болон зарим согтууруулах ундаа нь таван зуугаас өндөр илчлэгтэй байдгийг мэдэж, болгоомжилдог хирнээ жимсний шүүс, хийжүүлсэн ундааны илчлэгийг мартсан байдаг. Мөн илчлэг өндөр ундаанууд өл дардаггүй. Иймээс илчлэг ихтэй энергийн ундаа болон шүүснээс болгоомжилдог байх хэрэгтэй.

Илчлэг өндөртэй ундааг их хэмжээгээр уух

Илчлэг задалж шатаах урвалд ус тун чухал үүрэг гүйцэтгэдэг. Шаардагдах хэмжээний ус уудаггүй бол бодисын солилцоо удааширч, илүүдэл жингээ хаях явц удааширна. Өдөрт 8 ба түүнээс дээш аяга ус уудаг хүмүүс бусад хүмүүсээс илүү их илчлэг шатаадаг гэдгийг судалгаагаар тогтоожээ. Тиймээс аль болох их хэмжээний ус уухыг хичээгээрэй.

Хангалттай ус уухгүй байх

Хоолны зөв дэглэм барихыг эрмэлздэг хүмүүс тослог ихтэй сүү, бяслаг, мөхөөлдсийг хорьдог ч сүү, сүүн бүтээгдэхүүний хэрэглээг бүрмөсөн хорих нь зөв алхам биш. Хүний бие шаардагдах хэмжээний кальци авсан үедээ илүү ашигтайгаар илчлэгийг шатаах чадвартай байдаг ба кальцийн хомсдлоос илүү их өөх тос хуримтлуулдгийг зарим судалгаанаас харж болно. Кальцийн нэмэгдэл бүтээгдэхүүн үүнтэй яг адил үйлчилгээ үзүүлдэггүй тул сүү, сүүн бүтээгдэхүүнийг тохируулан хэрэглэх нь үр дүнтэй. Ингэхдээ тослоггүй, эсвэл тослог багатай бүтээгдэхүүн түлхүү хэрэглээрэй.

Сүү, сүүн бүтээгдэхүүний хэрэглээг хасах

Өнөөгийн хурдацтай, завгүй нийгэмд ачаалал ихтэй өдрийн дараа түргэн хоол хэрэглэх шаардлага ихээр гардаг. Гэхдээ түргэн хоолны салат эсвэл илүү эрүүл хоолны сонголт хийсэн ч хажуугаар нь илчлэг өндөртэй ундаа болон амттан нэмж авдаггүй тэвчээртэй байх хэрэгтэй. Судалгаанаас үзэхэд ямар нэг хэмжээний түргэн хоол долоо хоногт 2 удаа иддэг хүмүүс долоо хоногт нэг буюу огт иддэггүй хүмүүсээс дунджаар 5 кг илүү жинтэй байдгийг тогтоожээ.

Түргэн хоол идэх

Биеийн жингээ өдөр бүр шалгаснаар сэтгэлээр унаж, буруу мэдээлэл авах шалтгаан болдог. Урт хугацаанд гарах үр дүнд анхаарах нь чухал бөгөөд биеийн жингээ долоо хоногт 1 удаа үзэхэд хангалттай. Хэрэв та долоо хоногт 0,5-1 кг жин хасахаар төлөвлөсөн бол жин дээр зогсоод ийм хэмжээний илүүдэл жин хассан байгаагаа харах нь таныг өдөр бүр жингээ үзэж, эргэлзээ төрүүлэхээс илүү идэвхжүүлнэ.

Өдөр бүр жингээ хэмжих

Дэглэм барьж эхэлсэн эхний долоо хоногтоо 5-10 кг жин хасах зорилго тавьснаар та амжилтанд хүрэхгүй. Өмнөө тавьсан зорилгодоо хүрэхгүй, урам зоригийг унтраах аюултай. Та долоо хоногт 2 кг хасч чадсан ч, зорилгодоо хүрч чадаагүйдээ сэтгэл дундуур байх болно. Хүрч болохуйц, бодит зорилго өмнөө тавих нь амжилттай жин хасахад чухал үүрэгтэй. Ямар зорилго тавихаа мэдэхгүй байвал, хоолны мэргэжилтэнтэй зөвлөлдөөрэй.

Бодит бус зорилго тавих

Та дасгал хөдөлгөөн хийдэггүйгээс жин хасах зорилгын бүх ачаалал зөвхөн хоолны хатуу дэглэмд шилжинэ. Хэрэв та илүү идэвхтэй байж чадвал идэх дуртай зүйлээ илүү идсэн ч, жингээ хассан хэвээр байх болно. Хамгийн гол нь өөрт тохирох дасгалын төрлийг олох явдал. Гүйх нь танд уйтгартай байвал усанд сэлэх, бүжиглэх, дугуй унах, ширээний теннис тоглох зэрэг аль ч хэлбэрээр идэвхтэй байж болно. Өөрт хамгийн тохиромжтой, тааламжтай, таныг уйдаахгүй дасгалын төрлөө олтлоо олон төрлийн дасгалыг хийгээд үзээрэй.

Дасгал хөдөлгөөнөөс зайлсхийдэг байх

жин хасах, турах, Хоолны дэглэм

Vamtam

Lorem ipsum dolor sit amet consectetur adipiscing elit dolor

Жин хасах зорилгоор зөв хоолны дэглэм барих аргачлал

Vamtam

Leave a Reply Cancel reply

Практикт шинээр нэвтэрч буй цэвэршилтийн даавар нөхөх эмчилгээг танилцуулах сургалтын тайлан

ЦЭВЭРШИЛТ БА ЗҮРХ СУДАСНЫ ЭРҮҮЛ МЭНД

Тамхи татдаг эмэгтэйчүүдэд цэвэршилт эрт явагддаг уу?

+ 976 91951958

Олон нийтэд >

ММАЗН Сургалт>

Хаяг >

+ 976 7010 1958